Радионуклидтік диагностика бөлімшесі (РНД)

2021 жылғы 1 сәуірде Ядролық медицина және онкология орталығының базасында радионуклидтік диагностика бөлімі ашылды. Бөлім меңгерушісі – Уразалин Амир Маратович. Бөлімнің алғашқы дәрігерлері: Карибаев Берик Турдыбекович, Тусупжанова Айгерим Канапьяновна және Колдыбаева Мадина Нурланбековна. Қазіргі уақытта бөлімде радиоизотоптық диагностика дәрігерлері: Тусупжанова Айгерим Канапьяновна, Колдыбаева Мадина Нурланбекқызы, Тлебалды Райымгүл Маратқызы жұмыс істейді. Сондай-ақ, бөлімде терапевт дәрігерлер Сексембаева Аида Ериковна мен Жұмырбаева Нұргүл Амангелдіқызы жұмыс істейді.

Алғашқы зерттеу – қаңқа сүйектерінің сцинтиграфиясы 2021 жылғы 13 сәуірде жүргізілді. Кейіннен қалқанша безінің сцинтиграфиясы, сүт бездерінің, қалқансерік бездерінің, бүйрек сцинтиграфиясы сынды әдістер игерілді. Қазақстанда алғаш рет – қалқанша безінің қатерлі ісігі бар науқастарға I131 қолдана отырып бүкіл дененің сцинтиграфиясы енгізілді.

2022 жылдың ақпан айынан бастап, радиофармацевтикалық препараттарды қолдана отырып, Бельгияның IBA компаниясының өз циклотрон қондырғысында өндірілген, бүкіл денеге позитронды-эмиссиялық томография (ПЭТ-КТ) жүргізіледі.

Радионуклидтік диагностика бөлімінің визит карточкасы:

- Заманауи құрылғылар;
- Әрбір пациентке жеке көзқарас;
- Зерттеудің ең жоғары дәлдігі;
- Радиациялық қауіпсіздік;
- Еуропа мен ТМД елдерінің жетекші ядролық медицина орталықтарында кәсіби тағылымдамадан өткен мамандар.

Радионуклидтік диагностика бөлімінде жүргізілетін зерттеу әдістері:

- 18F-фтордезоксиглюкоза (18F-ФДГ) көмегімен бүкіл дененің ПЭТ/КТ;
- 18F-PSMA-1007 көмегімен бүкіл дененің ПЭТ/КТ;
- Натрий фториді F-18 (18F-NaF) көмегімен бүкіл дененің ПЭТ/КТ;
- Қалқанша безінің сцинтиграфиясы;
- 131I көмегімен бүкіл дененің сцинтиграфиясы;
- Қаңқа сүйектерінің сцинтиграфиясы;
- Қалқансерік бездерінің сцинтиграфиясы;
- Сүт бездерінің сцинтиграфиясы;
- Бүйрек динамикалық сцинтиграфиясы;
- Сақтаушы лимфа түйіндерін анықтау үшін БФЭКТ/КТ.

Семей қаласындағы ЯМжО орталығының радиоизотоптық диагностика бөлімінде жүргізілетін зерттеулер:

Бөлімше құрылғылары

- Siemens Biograph mCT 64 кесінділі позитрондық эмиссиялық томограф
- Siemens Biograph True Point 16 кесінділі позитрондық эмиссиялық томограф
- Siemens T16 компьютерлік томографиямен біріктірілген бірфотондық эмиссиялық томограф
- Siemens T6 бірфотондық эмиссиялық томограф
- Nucline TH гамма-камерасы

Радионуклидтік зерттеулер Қазақстан Республикасының барлық өңірлерінен келген пациенттерге ақысыз және ақылы түрде жүргізіледі.

Зерттеулер алдын ала жазылу арқылы жүргізіледі.

Байланыс ақпараты. Біздің мекенжай: Абай облысы, Семей қаласы, Құтжанов көшесі, 3, Абай облысы Денсаулық сақтау басқармасының «Семей қаласының Ядролық медицина және онкология орталығы» ШЖҚ КМК.

Тіркеу бөлімі телефоны:

+7 708 467 2769 (WhatsApp), 8 7222 631125