Роботтандырылған технологиялар және медицинадағы жаңа мүмкіндіктер

Тайланд Корольдігі делегациясының сапары барысында заманауи медициналық технологияларға ерекше назар аударылды. Кездесу аясында CT Asia Robotics Co., Ltd. компаниясының денсаулық сақтау жүйесінде қолдануға болатын заманауи роботтандырылған шешімдер мен олардың мүмкіндіктеріне арналған презентациясы өтті.

AI Breath Analyzer (Dinsaw BA) технологиясы ерекше қызығушылық тудырды. Бұл – дем шығарған ауаны талдау арқылы сүт безі обырын скринингтен өткізуге арналған заманауи медициналық құрылғы.

Сапар аясында Тайланд тарапы аталған жабдықты Ядролық медицина және онкология орталығына табыстады. Орталық үшін бұл – халықаралық ынтымақтастықтың маңызды практикалық нәтижесі ғана емес, сонымен қатар онкологиялық ауруларды ерте анықтаудың заманауи инвазивті емес тәсілімен танысуға мүмкіндік.

Бүгінде медицинаның технологиялық дамуы – бұл тек жаңа жабдықтың пайда болуы ғана емес, сонымен қатар ауруларды ерте диагностикалау, медициналық көмектің тиімділігін арттыру және пациенттердің өмір сапасын жақсарту үшін жаңа мүмкіндіктердің қалыптасуы.