Ядролық медицина және онкология орталығында МСАК мамандарына арналған оқыту семинары өтті

15 қазанда Абай облысының Ядролық медицина және онкология орталығында сүт безі, жатыр мойны және жатыр денесі обырының алдын алу мен ерте анықтауға арналған оқыту семинары өтті.

Семинар барысында онкологиялық ауруларды ерте диагностикалау, олардың алдын алу және медицина қызметкерлерінің онкологиялық сақтығын арттыру мәселелері талқыланды. Іс-шара офлайн және онлайн форматтарда ұйымдастырылып, Семей қаласы мен аудандық медициналық ұйымдардың мамандарын біріктірді.

Семинар «Қызғылт қазан» айлығы, жатыр денесі обыры туралы хабардарлық апталығы аясында және 2023–2027 жылдарға арналған Онкологиялық ауруларға қарсы күрес жөніндегі кешенді жоспарды іске асыру мақсатында өткізілді.