Кезекті Ашық есік күні өтті

Бүгін Ядролық медицина және онкология орталығында онкогинекологиялық ауруларды ерте анықтау мен алдын алуға арналған Ашық есік күні өтті. Бұл күні онколог-дәрігерлер кез келген адамға тегін кеңес беріп, кешенді тексерулер жүргізді.

 

Шараға 40 адам қатысты. Тексеру нәтижесінде онкологиялық аурулар тіркелмегенімен, алайда екі адамда обырға дейінгі жағдай анықталды. Қалған қатысушыларда түрлі гинекологиялық аурулар белгілі болып, олар әрі қарай емдеуді қажет етеді.

 

Орталықта мұндай профилактикалық шаралар тұрақты түрде өткізіліп тұрады. Уақытылы тексеруден өту — денсаулықты сақтаудың маңызды бөлігі екенін еске саламыз. Ауруды ерте кезеңде анықтау оның алдын алуға және өмір сапасын жақсартуға мүмкіндік береді.

 

Келесі Ашық есік күндері туралы ақпаратты әлеуметтік желідегі ресми парақшаларымыздан қадағалауды ұмытпаңыздар.