Сүт безі қатерлі ісігі туралы хабардарлықты арттыру айлығы

Құрметті достар! Қазан айында біздің Орталықта сүт безі қатерлі ісігі туралы хабардарлықты арттыру айлығы өтуде — сіздерді қатысуға шақырамыз! Қазан айы бойы жетекші онкомаммолог-дәрігерлеріміз сүт безі денсаулығы, алдын алу, ерте диагностикалау және онкологиялық ауруларды заманауи емдеу әдістері туралы маңызды әрі өзекті ақпаратпен бөлісетін болады.

Ең бастысы — осы айда кезекті Ашық есік күні өтеді! Сол күні дәрігердің жолдамасынсыз, алдын ала жазылусыз, мүлдем тегін сүт бездерін кешенді тексеруден өтуге болады. Бұл — өзіңізге және денсаулығыңызға қамқор болудың тамаша мүмкіндігі! Ашық есік күні қашан өтетіні туралы ақпаратты кейінірек хабарлаймыз!

Әлеуметтік желілердегі жаңалықтарымызды бақылап отырыңыздар — біз пайдалы жазбалар, сарапшылардың кеңестері мен маңызды сұрақтарға жауаптар дайындадық. Денсаулық — өз қолыңызда. Келіңіздер, ақпарат алыңыздар, тексеруден өтіңіздер!