Ядролық медицина және онкология орталығы әлеуметтік акцияға қатысты

«Қызғылт қазан» — сүт безі обыры туралы хабардарлық айы аясында Ядролық медицина және онкология орталығының ұжымы Avon компаниясымен бірлесіп әлеуметтік акцияға қатысты.

Бұл акция халықтың сүт безі обырының ерте диагностикасының маңыздылығы туралы хабардарлығын арттыруға бағытталған. Акцияға қатысушылар әйелдерді денсаулығына бей-жай қарамай, профилактикалық тексерулерден үнемі өтіп тұруға шақырды.

Сүт безі обыры ауруының бастапқы кезеңінде емделуі тиімді, ал уақытылы скрининг — өмір мен денсаулықты сақтаудың кілті. Ядролық медицина және онкология орталығы онкологиялық аурулардың алдын алу мен ерте анықтауға бағытталған бастамаларды қолдауды жалғастырады.