Кезекті Ашық есік күні өтті!

Өткен сенбіде Ядролық медицина және онкология орталығында кезекті Ашық есік күні өтті. Бұл жолы іс-шара асқазан, ұйқы безі және бауыр обыры туралы хабардарлық айлығына орай ұйымдастырылды. Іс-шара аясында келушілер онколог дәрігерлерден кеңес алып, қажет болған жағдайда қосымша тексерулерден өтті: УДЗ, ФГДС, зертханалық талдаулар.

Қуаныштысы, тексеру нәтижелері бойынша онкологиялық аурулар анықталған жоқ. Алайда бірқатар басқа да патологиялар, сондай-ақ 3 обыр алды жағдай тіркелді. Барлық қатысушыларға әрі қарай бақылау мен емдеуге қатысты жеке ұсынымдар берілді.

Мұндай іс-шаралар профилактиканың және медициналық көмекке уақтылы жүгінудің маңыздылығын айқын көрсетеді. Ауруларды ерте диагностикалау — денсаулық пен өмірді сақтаудың ең тиімді жолдарының бірі.