Әлемді бірге жарқын етйік

Сәуір айының алғашқы сенбісінде Ядролық медицина және онкология орталығының ұжымы ауқымды сенбілікке шығып, кәдімгі көктемгі күнді тазалық пен тәртіптің нағыз мерекесіне айналдырды. Қызметкерлер Орталықтың айналасындағы барлық аумақты қоқыс пен өткен жылғы жапырақтардан тазартып, айналаны қайтадан жаңарып, серпіліс сыйлайтын таза кеңістікке айналдырды.

Мұндай бастамалар Орталықтың игі дәстүріне айналып, корпоративтік мәдениеттің маңызды бөлігі болып табылады. Бұл тек аумақты тазалау ғана емес — адамдарға күн сайын көмек көрсетілетін орынға деген құрметтің белгісі әрі ортақ игілікке қосылған үлес. Қызметкерлер қоғамдық іс-шараларды әрдайым қолдап, мекеме ішінде ғана емес, оның сыртында да жайлы әрі қолайлы орта қалыптастырудың маңызын жақсы түсінеді.

Біз үшін пациенттерге деген қамқорлық олардың Орталыққа келген алғашқы сәтінен басталады. Тазалық, тәртіп және ұқыпты аумақ қолайлы атмосфераны қалыптастырады. Тек сапалы медициналық көмек көрсету ғана емес, сонымен қатар жылулық, жайлылық және шынайы қамқорлық сыйлау басты мақсат.