Қазақстан мен Таиланд онкология саласындағы ынтымақтастықты нығайтуда: Астанада өткен халықаралық симпозиумның екінші күнінің қорытындысы

7 сәуірде Астана қаласында Таиланд Корольдігінің Елшілігі ұйымдастырған «Онкология, дәл медицина, мультидисциплинарлық емдеу және сауықтыру саласындағы Таиланд – Қазақстан медициналық ынтымақтастығы» атты халықаралық жобаның екінші жұмыс күні өтті.

Жұмыс күнінің негізгі басын бөлігі Қазақстан мен Таиландтың жетекші сарапшыларының қатысуымен Назарбаев Университетінің Медицина мектебінде өткен академиялық медициналық симпозиумына арналды. Ядролық медицина және онкология орталығының делегациясы Орталық директоры, м.ғ.д., профессор Саят Танатаровтың жетекшілігімен екінші күннің іс-шараларына белсенді қатысты. Симпозиумға қатысу кәсіби байланыстарды нығайтуға, шетелдік әріптестермен тәжірибе алмасуға және онкология, ядролық медицина және жоғары технологиялық медициналық көмек салаларындағы одан әрі ынтымақтастықтың перспективалық бағыттарын айқындауға мүмкіндік берді.