Хирургия бөлімшесі

Бүгінгі күні онкохирургия бөлімшесінің жалпы төсек қоры - 20 төсек.

Бөлімшеде тәжірибелі, жоғары білікті онкохирург-дәрігерлер жұмыс істейді.

Бөлімшенің негізгі міндеттері:

- қатерлі ісіктермен, ісік алды аурулармен ауыратын науқастарға ота жасау арқылы ем жүргізу;

- онкопатология салдарынан болған бұзылыстарды түзету;

- қажет болған жағдайда - стационарлық жағдайда қосымша тексерулер жүргізу.

Сондай-ақ, бөлімше мамандары обырға қарсы насихат жұмыстарын жүргізеді, қаладағы басқа медициналық мекемелерге кеңес береді.

Бөлімше базасында стома қойылған науқастарға арналған оңалту кабинеті жұмыс істейді, «Fast track» жедел қалпына келтіру бағдарламасы енгізілуде.

Бөлімше базасында «Онкология» мамандығы бойынша студенттер мен курсанттарды даярлау жүргізіледі.

Бөлімше қызметкерлері «Онкология» мамандығы бойынша магистратура аясында қосымша білім алуда.

Бөлімше пациенттері - Абай облысының түрлі аймақтарынан, Қазақстанның басқа облыстарынан және жақын шетелдерден келген тұрғындар.

Бөлімше заманауи ем жүргізуге қажетті жаңа аппараттармен үнемі жабдықталып отырады.

Бөлімше базасында онкохирургиядағы барлық негізгі операция түрлері, соның ішінде жоғары мамандандырылған медициналық көмек аясындағы операциялар жүргізіледі.

2013 жылдан бастап бөлімшеге эндовидеоскопиялық құрылғы орнатылды.

Оның көмегімен жарақаты аз операциялық әдістер енгізілуде, олардың ауқымы тұрақты түрде кеңейіп келеді.

Онкохирургия бөлімшесінің қызметкерлері Қазақстан Республикасының, жақын және алыс шетелдердің (Ресей, Франция, Түркия, Германия, Корея, Үндістан, Израиль, Швейцария және т.б.) жетекші клиникаларында оқытудан өтіп, біліктіліктерін арттыруды жалғастыруда.