Қанның клиникалық талдауларына дайындық

Дұрыс, нақты нәтиже алу үшін қан тапсыру ережесін сақтау керек:

- Никотин перифериялық тамырлардың спазмын туғызатындықтан, бір жарым екі сағаттай темекі тартпау. Бұл саусақтың бастарына қанның баруын азайтады және алуды қиындатады. Осы себептен де қою шай немесе кофе ішу ұсынылмайды.

- Осы зерттеу барысында міндетті түрде анықталатын қандағы холестерин мен басқа да заттектердің жоғары деңгейі СОЭ көрсеткішіне әсер ететіндіктен, өте майлы тағам және алкогольді пайдаланбау керек.

- Қан тапсырудан бір тәулік бұрын қанның ұю жүйесіне әсер ететін кейбір препараттарды мүмкіндігінше қабылдамау. Оларға танымал стероид емес анальгетиктер жатады.

- Жоспарлы клиникалық қан талдауын вирусты инфекциялар болған кезде сондай-ақ жазылғаннан кейін бір апта өтпейінше тапсыруға болмайды. Бұл аурулар жасуша құрамына біршама әсер етеді.

- Жалпы қан талдауының биохимиялық зерттеуге қарағанда айырмашылығы, оны тамақ ішкеннен кейін аз уақыт өткенде (бір сағатқа жуық) орындауға болады.

- Қанды ашқарынға тапсыру немесе тапсырмауды өзіңіз шешіңіз. Егер тек қана клиникалық талдау жүргізу жоспарланып отырса, онда таңертең жеңіл-желпі тамақтануға болады. Кешенді тексеру жағдайында мүмкіндігінше тамақтан және тәтті сусындардан бас тарта тұру керек.